عادل امام من اكبر و اشهر ممثلين مصر (كل العالم العربي يعرفها حسب مصادر) ، اتولد فى 17 مايو 1940 في المنصوره، متجوز من هاله الشلقاني وله 3 ولاد رامي امام المخرج وسارة امام اللي اتجوزت ابن واحد من الاخوان ومحمد امام الممثل. اخوه الصغير يبقى المنتج عصام امام وجوز اخته هو مصطفى متولي

عادل امام اخد بكالريوس الزراعة من جامعة القاهرة قبل ما يبقى معروف كان بيعمل مسرحيات في مسرح الكلية لحد ما اشتغل مع فؤاد المهندس مسرحية السكرتير الفني وبعدها اشتغل افلام ابيض واسود ادوار مساعدة زي فيلم الخروج من الجنة وعفريت مراتي لحد ما عمل مسرحية مدرسة المشاغبين اللي كانت بالنسباله نقطة تحوّل في حياته ومن بعدها بقى يعمل افلام من بطولته

اختارته الامم المتحده سنة 2000 سفير النوايا الحسنة في المفوضية العليا لشؤون اللاجئين التابعة للامم المتحده.

فى اغسطس 2009 اتعرض عادل امام لإعتداء من واحد عربى رماه بقزازه وقت تقديم مسرحيه فى القاهره.

نورا صابر جاد الرب