عمر سمره

عمر سمره رفع علم مصر فوق جبال العالم.

 عمر شريف سمرة ( اتولد 11 اغسطس 1978 ) ، اول مصرى و اصغر شخص من الشرق الاوسط يوصل قمة جبل الايفيريست ( 17 مايو 2007 ) و يتسلق جبال الالب و الاندين و جبال تانيه و هو كمان اول مصرى يوصل قمة جبل " كارستينز بيرامد " فى إندونيسيا ( مايو 2009 ) . عمر سمره درس فى مدرسة الالسن فى القاهره و اتخرج من كلية اقتصاد الجامعه الامريكيه فى القاهره ( 2000 ) ، و أخد ماجستير فى ادارة الاعمال من مدرسة لندن لإدارة الاعمال ( 2007 ) و كتب عن اسفاره و مغامراته حولاين العالم.

 بدأ عمر سمره يمارس الرياضه و هو صغير و لعب اسكواش و باسكيتبول مع انه كان بيعانى من الربو . جنب تسلق الجبال عمر بيهوى كمان رياضة الغطس.

بدأ عمر يمارس رياضة تسلق الجبال فى بداية العشرينات من عمره و بعد ما لف فى بلاد كتيره و اتسلق كذا جبل بدأ يخطط لتسلق اعتى جبال العالم و هو جبل ايفرست ( 8.850 متر )، فإنضم لفريق بيتكون من خمس اشخاص كلهم زمايله فى مدرسة فى مدرسة لندن لإدارة الاعمال و ببدأ يتدرب بجديه و بعد سنتين من التدريب الجامد نجح فى تسلق الجبل العتيد و وصل قمته فى 17 مايو 2007 الساعه 9:49am بتوقيت نيبال ( تقريباً 7:19am بتوقيت مصر ) ، فى رحلة استمرت شهرين و رفع على قمته علم مصر.

نسمة عمر احمد عثمان